股海實戰：保利協鑫發揮龍頭優勢

港股連升六個交易日後，昨日終於斷纜。恒指收報23,121點，跌85點，大市成交降至831億元，暫可視為正常調整。昨日官地拍賣成績理想，但地產股未見受惠，皆因大家都在等候今日出爐嘅施政報告，睇清政府房屋政策是否有變再作打算。

人行定向提高六家銀行的存款準備金率50個基點，相信此舉乃針對近日人民幣升值預期不斷升溫，大量境外熱錢流入而來。

不過，消息未有左右A股升勢，滬綜指成功測試2,800點支持後（全日低位2,782點）再展升勢，高位見2,843點，收報2,841點，升1.2%，石化及有色金屬股接力向上。阿莊總覺得，兩市主板成交持續高企，成交放量，顯得今次A股升市並唔簡單！

今年首九個月，國產汽車的產、銷量分別達1,308.27萬輛及1,313萬輛，同比分別增長36%及35.97%，數據理想，刺激個別汽車股再現強勢，華晨中國（01114）股價高處未算高，全日高位見6元，收市報5.79元，升6.24%；東風集團（00489）及廣汽集團（02238）亦分別升2.77%及3.8%。

除車股外，個別公路股亦有異動，深高速（00548）升5.16%，收報4.48元。阿莊認為，滬杭甬（00576）具追落後概念，一來公路業務現金收益穩定，且以人民幣收入為主，而近日A股成交大增，滬杭甬旗下浙商證券亦應該係受益者。近月滬杭甬股價呈圓底回升，短線企穩7元樓上有得博，目標睇7.8元。

港鐵好戲在後頭

此外，投行高盛又再發功，近日將港鐵（00066）目標價上調至35.6元，昨日港鐵股價曾高見31.1元，收報30.55元，升3.21%，已成功突破阻力區，且創去年五月以來最大單日成交股數，企穩30元樓上，好戲在後頭。

內地新興能源產業發展規劃一直只聞樓睇響，聽聞要等到年底才出台。不過，阿莊相信，隨着政策加大力度扶持新能源產業發展，喺有實質盈利基礎支持下，新能源可以喺一段頗長時間內成為股壇「長青」炒作概念，而在生產上具技術及規模優勢嘅大型企業，更會係主要嘅政策受惠者。

保利協鑫（03800）今年上半年實現收入57.94億元，同比增長3.5倍，毛利達到15億元，多晶硅、硅片及電力乃公司三大收入來源。如無意外，今年公司全年收入可突破100億元大關，成為光伏產業龍頭企業，且與國際同業比較，其多晶硅成本將達到極具競爭力的水平。

難怪近月該股先後獲高盛及瑞銀唱好，其股價於近半個月調整，於2.2元水平現承接，昨日收報2.33元，已重上10日線，整固過後若再展升勢，可挑戰去年十一月的2.7元阻力位，2元不宜有失。

戰報

成謙聲匯（02728）

積奇九月三十日推介成謙聲匯，果然冇介紹錯，昨日創五十二周新高1元，較推介當日低位0.88元，升13.6%。

+13.6%

國際泰豐（00873）

姚午齊上周三指國際泰豐中期業績表現亮麗，股價昨日高位見元4.27元，較上周三低位3.45元，勁升23.7%。

+23.7%