太子手記:輪后朱紅下嫁ABC
太子要喺度公布一個大喜訊,輪后朱紅(Niki)要出嫁喇!Niki將於下星期三(十月二十日)同拍拖差唔多三年嘅ABC(American-born Chinese)男友共諧連理!
中式婚禮擇吉日
以為嫁個西化老公應該會跟晒西方結婚儀式,點知Niki同男友都好鍾意中國式傳統禮儀,出門嘅程序都做到足!
Niki之前喺瑞信同法興做過,可以話係新一代嘅輪后,其實佢大學畢業之後都有做過股票分析員!佢同太子講覺得依家結婚係一個適合嘅時間,之前都無特別計劃,搵咗師傅夾時辰八字揀吉日,揀閒日行禮擺酒,係因為無咁多人同佢爭嘢!
Niki話,為咗籌劃婚禮,周圍問朋友同親戚意見,學吓又做吓,雖然以前返工搞event仲忙,但依家心情好輕鬆。梗係啦,結婚咁開心,幾多嘢搞都唔覺忙!太子喺度衷心祝Niki婚後生活愉快啦!
輪后朱紅結婚啦,希望佢婚後生活愉快。