周文耀花兩粒鐘開戶

李業廣任主席嘅聯交所歷屆理事聯誼會，早前聯同五大經紀會（中資證券業協會、證券商協會、證券業協會、證券學會、香港網上經紀協會）設宴，祝賀夏佳理同周文耀分別獲頒授大紫荊勳章及金紫荊勳章。

上台致辭時，李業廣話識咗夏佳理好多年，大讚對方係叻人，亦非常聰明。夏佳理亦好識做，話自己有好多嘢都係喺李業廣度學返嚟，李業廣出名有「橋王」之稱嘛！兩人對答得體，確有大將之風，果然係做大事之人。之後李業廣仲代表聯交所歷屆理事聯誼會送咗個水晶紀念品畀佢哋。

至於周文耀，佢喺台上就話自從退休後，可以做番個普通投資者，佢選擇去銀行開戶口，但簽文件等手續竟然搞咗佢個幾兩個鐘頭。難怪中策（00235）主席馬時亨早前都將呢單咁搞笑嘅料爆出嚟！