以中銀為例，只要你能確保戶口每月平均理財總值達50萬元或以上（即包括客戶利用該戶口投資股票、基金，買外匯及存款），就可以申請中銀理財晉富戶口。

另外，於恒生銀行開Prestige優越理財戶口，也同樣降至50萬元。

理財戶口着數小至落分行不需排長龍，有專櫃服務；大至存款利率更高等。另外，投資上成本亦較划算，若成功於恒生銀行開Prestige優越理財戶口金額，可獲首年月費豁免優惠。

另外，此理財戶口的新證券客戶可享零手續費無限次認購新股優惠，平日有抽新股的散戶就可以節省一大筆手續費了，皆因原來每一次抽新股的手續費至少要100元。

存戶心得

唔使排隊

鄧先生：「有理財戶口咪唔使排隊囉！因為用理財戶口嘅人都仲喺少，所以落分行就唔使好似以前咁排隊囉！另外，就係如果喺番嗰間銀行度買賣股票，手續費就會便宜少少嘅！而且，如果活期戶口嘅金額到一定數目，就會多少少利息囉！」

慳番年費

尹小姐：「當你嘅戶口結餘去到一定數目時，就會有銀行職員打嚟嗌你upgrade個戶口做理財戶口㗎喇！不過要自己留意一下，職員會話依家做推廣，可以用較低金額（50萬元）去開理財戶口，仲可以豁免一年年費添！不過，推廣期過咗，你嘅戶口結餘至少要去番原先嘅金額（100萬元）。」