美股前晚先跌後拗腰回升，加埋九月期指結算，特區政府賣地，港股卻無出現預期般波瀾壯闊的單邊挾高情景，十月期指開22,271點，較前日開高135點，在現貨開市前，已經上到上22,350點水平，之後全日大部分時間圍繞22,350至22,472點之間百多點內上落，直到收市前，九月期指結算價大勢已去，好友才放軟手腳，十月期指以接近午市低位22,347點收市，即月期指收22,382點，回顧九月，好友都算係由頭贏到尾。
A股拒絕再升，滬綜指亦係四月以來，第二次出現10日線跌穿20日線的轉弱訊號，再加上昨日賣地柴灣地皮被收回，是限制午市港股再向上攻的主要原因，否則以853億元的大成交額，八成二藍籌錄得升勢的強勢配合下，昨日午市十月期指理應可以更逼近22,512點阻力。
市場無新消息，短期港股要睇外圍做人，內地股市有輕微轉弱迹象，美股方面，憧憬新一輪量化寬鬆出台的炒作，似是有餘未盡，前晚華爾街兩大指數，道指及納指即市分別試一試10日線支持（10,722點及2,341點）後，立即見反彈，是否為後市提供新支持位的參考，相信一兩天內會見真章，但由於超買情況已相當嚴重，故尋日小試牛刀，小注在22,400點附近試沽，假如期指收市突破22,512點，會先行止蝕，否則目標繼續睇21,790點。