本文重點
決戰前夕，鄒曉春向傳媒放料，指投票當日會有神秘嘉賓出席，好多人都關心究竟係邊個，會唔會是秘密武器可以扭轉投票嘅結果呢？市場謠言滿天飛，有人估黃光裕老婆杜娟會現身；亦有人估係一個新嘅國美大股東。
不過，最離譜嘅係，居然有人話坐緊監嘅黃光裕，會以視像會議形式現身股東大會，真係當內地監獄無規矩咩。最後呢個神秘人係邊個？原來係黃光裕個妹黃燕虹。
酒店上網分段收費
國美陳黃決戰在富豪香港酒店舉行，為咗第一時間將消息報道出去，很多記者都使用酒店嘅上網服務。事前有記者查到上網費竟要320元一日。酒店方面解釋，320元只是非住客嘅費用，住客一日只需170元。最後仲補充多句，其實記者們可以選用20分鐘一節嘅上網服務，一節都係5元啫。傳送相片同埋寫稿，應該兩個鐘就搞掂，30大元，算是相宜的價錢啦。