TCL通訊科技（02618）委任咗陸東做獨立非執行董事，尋日Andrew（陸之洋名）第一次喺TCL記者會亮相。
對工業股情有獨鍾
佢透露，當初TCL搵佢入公司，雙方只需一個月嘅時間就傾掂數，佢入TCL係希望多些了解呢個行業，同時又幫公司，最重要嘅係大家互相學習。
Andrew對上一次係做嘉瑞（00822）嘅獨立非執董，似乎對工業股情有獨鍾，但佢強調只要品牌好、有好嘅人才同銷售渠道嘅企業，佢都有興趣，「做毛公仔無利潤」嘅公司就興趣不大。對於TCL當年走出去收購ALCATEL，佢話融合要付出代價，只要幫到公司，購併係一件好事。