本文重點
今日係中秋佳節，相信好多人同太子一樣，為咗買乜嘢口味嘅月餅又或者中秋節安排咩節目而煩惱，但社會上其實唔係個個都咁幸運可以享受到中秋節人月兩團圓嘅歡樂。恒生（00011）日前就同一班長者共慶中秋，將佢哋嘅歲數加埋真係不得了，一共超過一萬歲，呢回真係名副其實嘅「萬歲」宴。
招待170名長者
今年已經係恒生第三年同嗇色園可健耆英地區中心合作，喺副董事長梁高美懿帶領下，招待咗超過170名嚟自深水埗嘅貧困或獨居長者，喺恒生總行博愛堂享用「愛心中秋宴」。出席嘅長者中，年紀最大嘅有101歲。
每位長者除咗可以享用豐富嘅節日菜式外，仲獲贈水果同埋印有恒生標誌嘅健康月餅添！恒生方面亦十分重視呢次活動，出動咗50幾名該行義工擔任侍菜員，活動前，佢哋仲特登接受訓練，學習侍菜技巧，誠意可嘉。