近幾年，金融機構已經進入咗一個單一市場嘅階段，唔同嘅機構都以財富管理作為發展重點，一般嚟講，財富管理嘅目標係要打倒通脹，另外就係為人生唔同嘅目標，例如退休、子女教育計劃等等作好準備。
要理財，一定要有策略，財富管理亦都正式進入2.0嘅階段，意思係指以前財富管理其實係財務策劃，着重感性銷售較多，少放心機喺市場走勢，依家就要擺重喺組合管理，即係Portfolio Management，除咗投資之外，仲要有恒心咁去跟蹤同埋定期咁去審視自己嘅組合。唔係投資咗一段時間之後，都係得個「吉」，咁就白白浪費咗投資者嘅精神心血同時間值，咁樣真係非常之唔抵。
筆者將財富管理以太極嚟比喻，太極代表陰陽互補，正所謂「孤陰不生，獨陽不長」，最主要係有改變嘅意思，老土咁講，即係審時度勢，見機行事啦！