作者：郭硯靈

想賺大錢，應該投資定投機呢？李韻儀（Sonija）為大家帶來《巴菲特給青年的九個忠告 》。她說：「現時市場上投機者多，但正如巴菲特成日都講，投資唔應該短視，應該長線啲！呢本書從幾個角度出發，點出投資應有嘅態度同心理質素。」

「書中頭幾個忠告，都係叫你應該投資唔好投機！睇番巴菲特，佢大部分嘅股票都係揸好耐！但普通人好難同佢一樣，乜股都長揸！但睇完之後，我都有將自己財務組合嘅長線股份比例增加。依家買嘅長線股，都就咁擺喺度，唔會刻意睇！」

身為時富資產管理策略師，Sonija就坦言對客較難做到投資不投機。「因為啲客要定期睇成績，所以在佢哋嘅投資組合上，長線嘅比例較少！」

要學識忍痛斬纜

不少年輕人理財意識薄弱，最終招致入不敷支，儲錢不成反成負債。Sonija指出，這本書多次強調存有現金的重要性！「流動性很重要，隨時可能要應急；另外，如果見到優質股股價低，但呢一刻無錢買，咁仲講咩投資投機，仲講咩賺錢置富？」

除了學識時刻要持有現金、投資勿投機外，此書還令Sonija明白，忍痛「斬纜」亦是投資致勝之道。