作者：羅伯特．海格斯壯

「做人唔好怕老土！」學投資亦然！所謂「欲速則不達」，想如股神巴菲特炒股炒到600幾億美元的身家，各位投資者不妨從基本理論學起，來個還原投資基本步。

Timothy說：「呢本書○六年出版，但我成日都會拎出嚟睇！裏面所講嘅理論，都係以巴菲特的思維模式出發，總結得出，所以係歷久常新嘅！」

股神理論歷久常新

書中以投資理論居多，有人認為是老生常談，不屑一看。但Timothy卻投以信心一票，指：「炒股愈少，獲利愈多」、「投資組合不應超過十個」及「平靜面對股價波動」等雖是老生常談，但亦是投資基本功，股神立足股壇數十載，他提出的理論沒有時間限制。

「坊間有好多關於巴菲特嘅書，但我個人認為，無一本及得上呢本！除了以巴菲特嘅思考模式出發，當中仲會比較多位現代投資理論大師嘅法則，等你知道自己依家嘅投資策略啱唔啱！」

他笑言，「睇完之後，我知道投資最重要嘅係理性！千祈唔好畀新聞或外面嘅傳聞影響，變成負擔！以前我只炒消息，睇完本書之後，學識點樣用另一眼光去審股，我依家都有留意啲中型公司，如果好彩，可能真係畀我搵到第2家比亞迪（01211）呢！」