推廣體育用品，最好嘅方法莫過於襄助球星，等佢哋喺場上用自己品牌嘅產品，咁觀眾睇波嗰陣就可以收晒宣傳之效，好似內地運動體育用品一哥李寧（02331）咁，就啱啱簽咗NBA選秀大會榜眼埃文特納（Evan Turner）。
度身訂造籃球戰衣
今次係李寧重塑品牌之後，第一次同重量級運動員簽約，李寧全球創意中心將會為佢訂製專屬籃球裝備。埃文特納都好識做咁話，好開心得到李寧牌支持，相信李寧牌裝備可以令佢發揮出最高水平。
李寧首席執行官張志勇表示，埃文特納嘅加入，強化咗集團頂級世界級贊助資源的陣容，李寧亦都係第一個同埃文特納呢位新星簽約嘅體育用品品牌。