重磅股大部分腳軟，但股仔卻大把世界。當中有升過倍的奧瑪仕（00959），原來急升三成時衝入去，仲有七成喺後面可以贏，真係得人驚。

北方礦業（00433）已宣布完成收購於黑龍江從事金鐵礦勘探開採的伊通礦業股權，同時亦完成向賣方發行共5億股代價股份，伊通將成為北方礦業之非全資附屬公司。完成是次配股後，北方礦業股價持續向下，經過一段時間整固後，走勢終見突破。北方礦業轉型後，繼續積極發展業務，繼完成黑龍江項目收購後，集團最近亦有傳磋商一項收購交易，睇番近日走勢，成交量亦見上升，話唔定新項目已傾得七七八八，隨時有好消息公布，要密切注意。

睇番西伯利亞礦業（01142）一公布利好消息，股價三級跳，短短幾日已翻兩番，北方礦業大有機會有樣學樣，不妨刀仔鋸大樹。