抗病經歷聽到眼濕濕

恒生每年同「再生會」合辦「十大再生勇士選舉」，呢個選舉好有意義，所以引起社會各界關注。

原來恒生已經贊助呢項活動多年，但係對於舊年先由滙豐調過去恒生掌舵嘅梁高美懿嚟講，今年都只係第二年參與其中。

唔好睇梁太平時叱咤商界流露嘅女強人風範，其實佢為人十分感性，話說佢舊年傾聽一班再生勇士分享佢哋嘅抗病經歷時，真係聽到眼濕濕。

呢個選舉唔經唔覺，已經去到第十四屆，梁太話，見到每一位再生勇士憑着頑強鬥志，同埋不屈不撓嘅奮鬥精神，以及家人及朋友嘅鼓勵與支持，活出好似彩虹咁精彩嘅人生，佢仲話希望今年呢個活動，可以繼續為社會注入更多嘅正能量。