俗稱「黑池」的私人持有電子交易所股票成交量，近呢一年喺歐洲急增接近四倍（因為基數低）。黑池主要由機構投資者參與，運作無需透明，不會展示買賣盤價及報價人士的身份，也不需要向公眾披露已執行交易的詳情，這種交易模式能減省成本和減低價格波動。
香港其實已有多間外資行提供黑池，但在港提供港股的黑池交易，除要取得ATS牌照外，同時又要向港交所（00388）呈報所有交易，並且繳付印花稅、港交所交易費及證監會交易徵費等，所以營運商其實似經紀多過似另一個交易所。
正所謂「水清無魚」，一個金融世界應該好似太極咁有陰陽，如果把黑池交易納入監管，便會失去黑池陰性（即隱蔽性高）的優點，對機構投資者的吸引力就大減。港交所的陽性公開交易市場，有高流通量的優點，又唔係黑池可以取代，最緊要係個餅夠大，係咪？