事緣喺個大會嘅尾段，有現場觀眾問，十年後兩人會做甚麼？John幽了馬雲一默，話希望要令到馬雲高一點。馬雲沒有嬲，只是說十年後，希望有五成時間可以悠閒地享受陽光與海灘，另外五成時間可以出錢做慈善活動，仲有最希望可以返回學校教書，可以完成晒所有心願，做人可以講係無憾。

冀95%商家上網做生意

馬雲話佢生意上嘅夢想，係見到未來世界，九成半商家都會用互聯網嚟做採購和銷售，八成人會依靠網絡買嘢，換句話講，實體店舖嘅重要性愈嚟愈低。

為咗要盡快達成呢一步，不得不跟eBay這個最大的競爭者合作，於是乎就請埋eBay舵手嚟呢個網商大會度演講，兩人仲在台上真情對話。