本文重點
「做人無夢想，同條鹹魚有咩分別？」騰訊（00700）主席馬化騰當年可能就係唔想做「鹹魚」，先搵埋幾位志同道合嘅朋友創辦騰訊，點知呢隻「企鵝」咁勁，○四年仲喺香港上埋市，依家市值約3,000億元，成績有目共睹，難怪昨日馬化騰出席中大創業周講座時，同啲大學生講「創業，讓我們離夢想更近」啦，各位學生哥，有辦你睇。
「三人行，必有我師焉」，馬化騰表示當年自己主要研發互聯網技術，但推銷技巧就非常差，所以之後就搵咗公關能手嘅股東加入。他笑言：「每次他聽完我說話，都會把我的話說得更好聽，所以那時候我的名片寫工程師，他的就寫老總，讓他去跟投資者做推銷。」
模仿再創新超對手
有同學問馬化騰對外界指騰訊「只模仿，不創新」有咩睇法，他輕鬆回應：「微軟和谷歌都不是最早的發明，只是你們不知道它們抄襲誰吧！而我提出的是『微創新』，意指在基礎上再發掘新東西，能超越對手。」