當日花旗一眾高層空群而出，花旗銀行環球個人銀行服務行政總裁及總經理盧韋柏、環球個人銀行服務副總經理周永贊以及花旗集團香港區資本市場及企業銀行業務總裁麥永森，放低手頭上嘅工作，四出向各部門嘅同事贈送曲奇餅以表達謝意。

高層空群出動派餅

雖然啲曲奇餅唔係呢班高層自己親手焗製，而係購自東華三院旗下專門訓練及聘用殘疾人士嘅社會企業「愛烘焙麵包工房」，但睇見部分高層喺「感謝日」放下嚴肅形象，戴上藍色大煲呔周圍派餅，盡顯親民嘅一面，收到曲奇嘅同事相信都會好開心。