關詠荷做代言人

公司解釋，因為關詠荷嘅形象親切健康，家庭事業都咁成功，可算是香港事業女性嘅典範。

七月二十日市場傳出瑞年產品出問題，當日瑞年遭洗倉，之後佢哋澄清自己產品無問題，股價回穩，但市場就好關心佢哋品牌形象有冇受損。

產品代言人好重要，可以引起明星效應，今次瑞年就搵關詠荷主要sell護膚美容健康食品。公司話，因為呢款產品喺香港推出，所以搵香港嘅女明星做代言人，希望可以提升品牌形象，增加港人對佢哋產品嘅認識。

講開瑞年，佢哋專門分銷保健品及涼茶，今年會繼續擴大產能，同埋擴闊產品種類，又會進軍海外市場，包括新加坡、馬來西亞和台灣。