08/09/2010

播放本新聞相關短片
查詢股票編號

股神訪比亞迪探秘

本文重點
股神巴菲特即將訪華「勸捐」,而今次負責接待佢嘅,就會係佢有份投資嘅比亞迪(01211)。據聞,今次股神除咗參觀比亞迪嘅汽車生產基地外,仲會參觀埋喺深圳新設立嘅家電基地。比亞迪盤家電生意非常神秘,之前講多句都唔肯,今次邀得股神參觀,唔知係咪等同於家電業務係未來嘅發展重點?

王傳福親自打點

近期最熱烘烘嘅新聞就係巴菲特同蓋茨去內地,仲想同內地嘅富豪朋友見面宣傳慈善。不過據聞啲中國朋友怕一見面就要捐錢,所以有人索性唔去酒會。而比亞迪不但親自邀請股神來華,仲會為佢安排好多行程。

股神投資比亞迪點石成金,佢今次會參觀比亞迪嘅深圳總部、惠州及長沙基地、比亞迪嘅電池生產基地等,仲會參觀深圳寶龍嘅家電基地。王傳福前排被老記追問係唔係搞家電時,仲話未決定,但係由比亞迪今次公開股神嘅行程,就直接披露咗公司已經設立咗家電基地。

Money18 新功能「18好路數」為你預測心水股票升跌機會率