近期筆者留意嘅一隻股份係英皇鐘錶珠寶（00887）。大家都知鐘錶珠寶係楊生其中一個睇好嘅主打行業，都係嗰句，內需加中國經濟持續發展，名錶、珠寶、金器自然就成為祖國同胞身份嘅證明。
如果用管理學分析，所有鐘錶珠寶公司大部分都係擔當分銷渠道嘅角色，能夠創造價值嘅，就只有係人都識講但係好難做得好嘅服務同創新，鬥價最後只會係「兩敗俱傷」。
睇睇英皇鐘錶，同世界級品牌LVMH打造品牌策略聯盟嘅傳奇，都咪話唔犀利。要同世界知名品牌合作，除咗有水同有誠意，自家品牌都要有相同嘅級數，唔係點做到強強聯合呢個優勢呢？如果你見到內地嘅靚車愈來愈多，咁你就可以好肯定咁講名錶、珠寶需求會更大，咁樣零售珠寶鐘錶公司嘅潛力又點可以忽視呢？