唔經唔覺上海世博已經舉行咗四個月，仲有兩個月唔到就閉幕，作為世博全球合作夥伴嘅交通銀行（03328），日前喺上海東方藝術中心舉行咗一場《大同貝九音樂會》，當晚除咗可以欣賞到香港管弦樂團演奏多首貝多芬著名樂曲之外，仲可以親睹世界著名男高音莫華倫嘅精湛演出。
其實，交行今年五月已經贊助咗香港管弦樂團喺香港舉行世博主題音樂會，今次移師到上海舉行嘅呢個音樂會可以算係「重頭戲」。
交行落力宣傳，絕對冇白費，太子收到風，截至八月八日，交行喺世博園區內自助設備處理咗40.39萬筆交易，取款金額3.26億元人民幣。