恒生衞冕失敗攞亞軍

經歷三個多鐘嘅「惡鬥」，終於畀「狂牛隊」（由不同金融圈業界組成）以53比42勝出首次奪冠，令「冧莊」兩年冠軍嘅恒生銀行屈居亞軍，而季軍就由滙豐銀行奪得。

唔係講笑！當日太子坐喺籃板底下睇波，每分每秒都強烈感受到「球來球往」嘅震撼力，各隊球員為咗入球真係打得好鬼狼死㗎，好彩太子無中波餅。而富昌證券總經理兼「狂牛隊」領隊藺Sir藺常念首次贏得冠軍，佢超級開心之餘，喺比賽後仲拉大隊去灣仔某酒樓慶功宴。另外，恒豐證券研究部董事林家亨亦於比賽當日充當大會攝影師，拎住部相機周圍咁影，成個專業攝影記者咁款。