本文重點
人民幣概念股近日炒得㷫合合，部分散戶認為仍然有得炒。散戶陳先生就相信人民幣概念股可以繼續炒，他最近正在留意中資銀行股的股價，只要價位輕微回落，就會買入股票作短線投資。
後悔太早沽貨
他又說：「現時中資銀行股股價低，估計年底前應該會有最少10%的升幅。我就睇緊中行（03988），落番4蚊我就會買，升到4.4元就會放喇！」
然而，另一散戶雷小姐則認為「人仔升值呢個概念炒咗好耐，我諗啲股再升都唔會升得多啦！」近期中銀香港（02388）股價屢創新高，早前沽貨的散戶雷小姐直言，因未能「食到這個升浪」而後悔。她稱：「自己於17蚊左右買入中銀香港，可惜早前以19蚊賣出，真係後悔。」
莫太亦認為人民幣概念已過時，對後市並不看好。她說：「以往一到十月，個市都唔多掂，加上人仔升值呢個消息炒咗好耐啦，幫唔到個市好多囉！」