本文重點
巴菲特長期以來都被視為投資者嘅鼻祖，《財富》雜誌趁巴菲特八十大壽之日，回顧歷來以股神做封面嘅雜誌期數，數數吓原來巴菲特自一九八六年至今，最少榮登《財富》封面13次。
睇番一九八六年嗰期巴菲特做到封面人物，並唔係因為投資回報驚人，而係佢當年已經就處置遺產嘅看法好具啟發性─「留給下一代最好的遺產金額，是足夠他們做任何事，而不足以令他們無所事事。」
投資技巧獲讚頌
佢尋日八十歲大壽，各界好友、名人及傳媒紛紛道賀，財經網站CNN更以「全球最偉大投資者」過八十歲生日為題，讚揚巴菲特嘅投資技巧高超，更致力於慈善工作。
每年都接受「巴菲特慈善午餐」善款嘅慈善基金Glide，創辦人Janice Mirikitani及威廉斯齊齊祝巴菲特生日快樂，多謝佢作出嘅貢獻，全靠佢嘅慷慨，Glide先可以對貧苦大眾表達關心，並為他們帶來希望。