隔鄰起樓吸走能量

話說利豐搵外國嘅地產代理，在紐約搵緊50萬呎地方做寫字樓。呢幢有悠久歷史、見證住美國經濟起落嘅帝國大廈，成為利豐其中一個目標。市傳租期十五年，每呎樓面租金要45美元，即係大概348港元1呎。

不過，《紐約郵報》就話，帝國大廈嘅西面，會起一幢67層高嘅大廈，預計在二○一四年落成，屆時會好似一隻大手指咁，製造負面嘅能量，影響帝國大廈。份報章仲搵埋鬼佬風水師做證，話帝國大廈嘅正能量，會被新大廈慢慢吞噬。而篤信風水嘅利豐掌舵人馮國綸，好可能因為咁而唔租帝國大廈喎，反正紐約仲有好多甲級商廈可以選擇。