報酬滿意度較低

滙控集團行政總裁紀勤尋日就公布咗今年度全球員工意見調查，結果顯示，滙控員工整體工作滿意指數係68%，較去年減少3個百分點，未能達集團訂下嘅72%目標。

呢次調查有超過26.9萬名滙控員工參加。調查發現，滙控員工對集團嘅企業可持續發展最為滿意，得分有80%；另外，員工對集團喺過去三年裏所作出嘅改進亦持正面看法。集團喺報酬、員工個人發展及表現管理方面得分就較低。

據知，滙控收到意見後，未來三個月會再作出跟進，會就調查結果採取相應行動。