問：記者　答：雷鼎鳴

問：大學生應否在暑假做實習？

答：「喺暑假做實習，我唔太贊同。因為除咗暑假外，人生之中好難再有二、三個月時間畀你行行企企，鍾意做咩就做咩！所以大學生更應好好利用呢段時間，去旅行、睇吓書，擴闊自己嘅視野！」

問：大學生對實習趨之若鶩，到底實習是否必須？

答：「佢哋只係將事業稍為提早啲，對日後工作係咪一定有幫助呢？又未必喎！實習係方便啲大公司揀蟀。其實好多實習嘅嘢，都可以喺你人生中遲啲學到。反而按個人興趣，提高相關能力，培養對事物看法，反而對你一世人更有利！」

問：應否在求學期間考校外專業試？

答：「學習有分階段，我還是覺得大學生應該喺學校內，學多啲抽象思維嘅嘢。學生應該先搞好自己校內嘅成績先，再慢慢考出面嘅試都未遲！」

問：「沙紙」多必勝？

答：「當然啦，會計師、律師等需要一個專業證明外，但唔少僱主請人都着重校內成績同個人能力！部分大公司甚至唔睇沙紙，例如有商學院嘅學生畢業後去做投資銀行，月入都有6、7萬元。但銀行都唔睇你有無證書，因為公司都有內部訓練。」