本文重點
本身有兩名囝囝嘅法興環球股票產品董事李錦（Edmond），除咗成日教散戶炒窩輪及牛熊證技巧之外，原來佢對親子理財亦好有研究，喺佢嘅教導下，依家兩名囝囝已經養成良好嘅儲蓄習慣。
apm交流親子理財
Edmond會喺本周日下午一點喺觀塘apm商場與大家交流，以及為親子理財新書搞簽名會。佢話最重要係教囝囝學會責任心，管好自己嘅零用錢，一定唔可以「使」多，否則冇儲蓄就買唔到鍾意嘅玩具，長大後更加冇能力投資。Edmond又教囝囝捐款予有需要人士，千祈唔可以做守財奴。
除咗理財之外，Edmond已開始教囝囝投資，去年六月金價回落至近900美元水平時，Edmond決定與囝囝一齊投資黃金，畀佢哋體會投資嘅感覺，依家金價升逾1,200美元，大仔已慢慢明白到投資需要時間才會有回報。