政府以為出招可以解決問題，其實真係錯咗，事關「摸貨」佔整體樓市成交只係一個單位數字，低利息先至係成件事嘅元兇，賣地成績理想，再一次印證政府出招既不及時同埋不切實際，真陰功！

好多八十後都慨嘆政府不施援手，入唔到市，我教朋友理財，永遠都係「目標為本」，入市買樓，唔一定要新樓，正所謂「萬事起頭難」，「一路悲只會一路哀」，仲慘，無論細樓價抑或舊嘅樓，都係你開始嘅第一步，默默向上游啦！

幾年前，有個學生話要跟我讀4個碩士「創造事業一片天」，我同佢講，以前我讀咗40萬，依家照跟都100萬，有錢不如去投資物業啦，仲讀書，咁你哋收到未啊？