本文重點
有「賺錢之神」之稱的邱永漢，除咗買股票有心得外，曾經喺本港樓市賺大錢，最經典係九七年帶領日本投資者狂掃650個太古城單位，然後高價賣出獲利三倍。近日佢帶咗一班日本投資者去考察，太子問佢點睇樓市？本港樓市會唔會有泡沫爆破嘅危機？佢話終有一日會爆破。問佢喺幾時？佢笑言「天知曉」！
年屆八十六歲的邱永漢不斷周圍去實地考察，之前去過巴西、印尼、菲律賓等地，近日佢帶日本投資者到佢嘅愛股亨泰（00197）參觀廠房，今次係佢第65次帶團出訪。佢閒時鍾意搵些「成長股」投資，即係增長潛力十分高嘅股份。
成長股好難搵
太子問佢近期有無搵到新嘅「成長股」，佢話目前好難搵到「成長股」，喺佢嘅投資心法中，要每年盈利增長50%嘅企業至係成長企業。