但周老闆今日就唔會大事慶祝，只會慣常咁與公司上下玩番個「估收市價」嘅遊戲。

美食共享慶32周年

致富證券資產管理部董事鄧澤堂話，喺幾個禮拜之前，同事已可參與競猜今日恒指收市價係幾多，答案最貼近嘅就會得到現金獎一份。除咗競猜遊戲之外，公司全日都會預備燒豬及蛋糕等食物畀大家享用。

致富證券亦好關懷散戶，尋日太子行過佢哋銅鑼灣分行時，見到添置咗一部咖啡機，畀散戶歎吓咖啡醒吓神，適合喺呢個悶市中消磨時間。鄧澤堂話，部分分行仲會提供埋雪糕及小食等添。