該公司執董孫泱急急解畫，澄清指其中兩名人士因年紀大退休、兩名因發展新業務而辭職，又咁啱合約到期，所以同一時間辭職，孫泱強調公司業務正常。

高層解畫業務如常

呢六個人包括兩名非執行董事、兩名執行董事及兩名獨立非執行董事，辭職生效日期係九月一日。

太子翻查呢間公司嘅年報，兩名獨立非執行董事張未及鈴木浩二分別已六十八歲同七十歲。孫泱話，佢哋兩位已屆退休年齡，另外兩名就係另謀高就，另一位就因基金人事變動問題，無再代表基金公司，加上佢哋三年嘅合約已滿，所以就辭職。

舜宇已委任瑞聲（02018）財務總監朱鵬飛做獨立非執董及沙燁做非執董，孫泱叫大家唔使擔心公司業務。