本文重點
周二賣地成績遠超預期，隔晚美股升過百點，惟港股昨日高開低收，顯示港股在21,000點水平進退兩難的事實，尤其是近日帶領港股的火車頭中移（00941）今日公布業績，綜合分析員現時對其預測未算樂觀，睇得最好的亦只係估計純利升4%左右。毫無疑問，業績曝光前，好友選擇不立危牆之下，即使外圍配合，也不敢貿然採取主動擊殺淡友。
昨日港股高位早在開市後十五分鐘出現，現貨及期指分別去到21,277點及21,274點，完全補回上星期遺留的21,239點及21,211點下跌裂口，可惜破位後買盤明顯減弱，期指在大約一小時之後，回到21,025點，連開市價21,128點及短期重要支持位21,040點都守唔住，證明又是一次假突破。
20720點成第一道防線
重磅股滙控（00005）技術走勢轉差有目共睹，中移能否繼續充當火車頭角色，相信於今日公布業績後應可見真章。尚幸是外圍，尤其A股及美股氣氛不俗，即使出亂子，第一道防線20,720點應見支持。
昨日筆者按照計劃，用四分一注碼在21,000點附近入市，但睇見下午市況，只能慨嘆買得太早。今次持好倉信心並非太大，上面21,275點阻力唔細，向下又未必跌得太多，有耐性者仲係等收市價明確升穿21,211點或者跌破20,720點再算，繼續見機行事。