最近內地不斷有人發現有啲年紀細細嘅「娃娃股東」，話說浙江紹興創業板有間叫向日葵光能科技股份嘅公司，畀人發現公司入面有位年僅六歲、名為吳沁怡嘅女仔，竟然出現喺股東名單入面。如果以上市時嘅發行價計算，手持6.25萬股嘅呢位小妹妹，身家已經有105萬，短短一夜之間成為百萬富翁。
繼承亡父千萬遺產
不過，咁樣仲未算厲害，太子發現原來呢類「娃娃股東」在內地其實為數不少，之前有個十三歲嘅小股東，因為廈門三五互聯成功上市，當堂身家暴升成為千萬富翁。原來呢班「娃娃股東」背後都有段段悲慘往事：十三歲嘅郭含遠，係三五互聯原來的副經理郭少鋒個仔，但係郭少鋒突然去世，而郭含遠就繼承左亡父市值千萬嘅股份。