本文重點
太子一向都覺得華潤集團董事長宋林係一個好搏嘅人，點解咁搏就從來都無考究過，只知佢大學一畢業就喺華潤度做，一做就二十五年，仲有月薪由初入行時嘅1,785元，到○六年時已升到去50萬元。
宋總話，佢呢二十五年華潤生涯中，總結就係要投入感情愛上你份工，如果你只當份工係搵餐飯食嘅態度，肯定唔會做得好。
入職月薪僅1785元
原來宋總話佢一入行就喺華潤石油石化業務工作，咁就梗係做個卒仔啦，當時起薪點只得1,785元一個月，佢已經做得好開心，仲愈做愈鍾意份工。
但佢最唔捨得離開嘅係華潤萬家，事關○二年時華潤萬家收購萬佳百貨失敗，佢當時兼任主席，遇到好多波折，係佢壓力最大嘅一年。到咗依家佢已經係全集團最大粒嗰位，但佢永遠係公司最遲下班嘅人，因為佢永遠都想了解晒公司所有情況。