近期好多上市公司都邀請筆者出席佢哋嘅業績發布會或者係睇廠，上星期就去了TCL通訊（02618）深圳總部參觀，順道同高層見面。上佢哋嘅Showroom行咗一轉，見證電訊業「由聲到畫，由單向走向互動」嘅發展步伐，互聯網嘅出現，令到手機製造商得以重生，亦都因為手機同互聯網已經係Twins，似乎TCL通訊都會喺呢個Web 2.0嘅大趨勢下乘勢而起。
一間公司成唔成功，都係不外乎以下三個永恒不變嘅策略：包括卓越嘅營運管理、客戶嘅親密度，同產品嘅創新性，呢三點，一般心水清嘅讀者同投資者都會明。TCL通訊依家以Alcatel嘅品牌開拓環球市場，喺低價產品上則以ODM為發展重心，以質量取勝，正正係「名利雙收，左右逢源」。
久違咗嘅TCL通訊，有可能會為大家做到「財源廣進」，慢慢跟蹤佢啦！