前幾日啱啱至公布上半年多賺近40%嘅阿里巴巴（01688）再添喜事，就係冧莊榮獲「2010年度大學生最佳僱主獎」嘞。唔講你唔知，原來阿里巴巴多次畀內地大學生評為最好老闆。
蟬聯最佳僱主獎
阿里巴巴已經成為內地大學畢業生搵工嘅首選，作為內地互聯網企業名氣最響嘅企業，可以同佢撼嘅外資企業，你一定諗到微軟。
不過，微軟依家嘅聲勢已大不如前，喺今年嘅票選活動，居然跌出咗三甲，真係令人跌晒眼鏡。
阿里巴巴由當初創業期只得18名員工，到今時今日擁有幾千個僱員嘅公司，阿里巴巴都好堅持佢哋嘅「共享價值觀」，對員工提倡「認真工作，快樂生活」。