據日前瑞信一份調查報告顯示，中國家庭原來有多達9.3萬億元（人民幣．下同）嘅收入未响官方數字中體現出來，而其中嘅三分之二嘅錢係落响本來已經好有錢嘅人袋中，絕對係富者愈富。
規模等於三成GDP
根據呢份調查報告話，9.3萬億「灰色」財富大約相當於全國GDP嘅30%。根據中國經濟改革研究基金會經濟師王小魯估計，造成官方低估中國家庭收入嘅原因，主要係「灰色」收入，至於咩嘢係「灰色」收入呢？佢舉例，如有勢力官員嘅子女結婚時，佢哋多會收到數目不菲嘅利是，又或者係從房地產市場或股票市場上賺到嘅收入等等。太子睇到真係呆咗，結婚收嘅人情竟然可以係呢9.3萬億嘅「灰色」財富嘅來源之一。