「此際如詩如畫的黃昏，映照桃紅秋色悠然相親……」呢首歌叫《童話》，收錄喺歌手張學友○五年嘅一張大碟入面，得意之處係作曲和填詞人叫徐燦傑。
天王演繹得獎作品
無錯，就係工行（01398）旗下工銀國際投資服務部銷售董事徐燦傑（Jeslie），《童話》係佢九三年嘅作品，當時佢貪得意參加「香港城市民歌創作比賽」歌曲原詞原曲組，比賽中冠亞季軍嘅得獎者可以自己唱番首歌及灌錄個人唱片，可惜Jeslie只攞到第四名，結果首歌就交由歌手主唱。
Jeslie話，細個時一個夢想係出唱片。依家只要肯畀錢，出碟唔難，其實首歌畀到天王巨星主唱，攞到第四名都叫有得有失。