全球經濟雖然不景，唯獨中國消費力就一枝獨秀，所謂「風水輪流轉」，家陣一班中國富豪富太出埠掃名牌袋，根本唔使睇價錢，就連買豪宅做別墅都毫不手軟，今年仲喺英國消費榜攞埋第一新貴嘅寶號。
唔識忌諱 見財化水
賺「人仔」都唔係講咁易，有英國地產佬話，想做成中國人嘅生意，最重要學識風水。
呢位倫敦豪宅區地產經紀原來試過遇上一對中國夫婦，雖然佢哋睇中一間400萬英鎊（約4,200萬人民幣）豪宅，但最終因為風水師傅一句「風水唔好」就取消單交易，所以得到教訓係：唔想「見財化水」就要下點工夫，要明白「四」字嘅忌諱等。