樂裕民唱「獨腳戲」

樂裕民一坐低即刻為唱「獨腳戲」解畫，話今次私有化利和經銷係利豐上市以來最大的一單「deal」，董事總經理馮國綸為審慎起見，幫手搞私有化單「deal」，而且好趕時間，所以佢無出席。

太子傳媒老友記得，以往利豐嘅業績會上，馮國綸會孖住樂裕民，一齊講解業績同回答記者問題。

馮氏兄弟忙私有化

為咗避免在場人士誤會馮國綸係唔係避席，樂裕民未等記者問問題，就解釋馮國綸唔出席嘅原因，話係馮氏兄弟好重視今次私有化利和經銷，所以大家都好緊張。

不過，利豐尋日交出嘅成績表亮麗，樂裕民嘅心情勁靚，話利豐新收購會陸續有來，叫大家拭目以待。