印裔女主管來頭大

祁慧呢一位印裔女強人大有來頭，係印度嘅商界領袖，又係政府組織、業界團體同國際機構成員，身上公職包括印度主計審計長公署審核顧問委員會成員，同倫敦市印度顧問委員會主席，個個朵都好響。

滙控行政總裁紀勤話，呢個決定反映咗佢哋好重視印度市場。

紀勤早就話咗，相信中期而言，印度嘅盈利增長仲有機會超過中國大陸，睇嚟呢個都係搵番個印度區主管入董事會嘅原因，出謀獻策，配合番集團發展大方向，唔好同呢個咁有潛力嘅市場失諸交臂。滙豐如果可以好似渣打咁，發行印度預託證券，喺當地再打響名號，都不失為一個好方法。