中國銀聯推出的深港跨境繳費服務已籌備多時，尚未公布前，合作機構中銀信用卡早在五月中旬已率先表示會推出這個服務。昨日銀聯終於在深圳舉辦隆重的跨境繳費開通儀式。
出席儀式的兩地財金官員，包括人行副行長及金管局最高領導人，而且還有大批香港賓卡，不過好多都是較陌生的面孔，但亦有見慣見熟的，例如中銀香港（02388）的和廣北總裁及大新銀行的執行董事藍章華。
聽講大會邀請了大概20家香港銀行的高級管理人員出席今次盛會，反應都唔錯，有成30個賓卡捧場，中銀、恒生（00011）、渣打同其他中小型銀行嘅代表都有到場。
但是見唔到滙豐銀行嘅代表，打聽下，好似話應邀嘅滙豐銀行代表適逢全部都要出差，所以唔得閒嚟。
滙豐咁龐大，業務遍布88個國家，單是亞太區業務都涉及逾20個國家咁多，高層成日都要飛來飛去，加上剛公布業績，要好忙地見好多人。