患哮喘 致力環保

香港空氣咁差，唔多唔少影響到Stephen嘅健康，佢話：「空氣質素其實會影響所有人嘅健康，但政府一直只着重『清新空氣』，但『健康空氣』就好少提到。」Stephen除咗積極做慈善外，對環保工作都不遺餘力，佢加入近年成立嘅「健康空氣行動」。

佢話依家香港只得三個路邊監測站，仲要擺到好高，但吸得最多污糟空氣嘅人，係坐喺路邊擺檔嘅小販，監測站應該設置接近地面先可以準確量度空氣質素，現時就積極籌募建立路邊監測站嘅經費。

Stephen嘅哮喘病原來幾嚴重，大熱天時佢都只會揀熱咖啡飲，Stephen話自小患哮喘，屋企會擺定哮喘藥噴劑，所以唔飲得凍飲，一飲就好易出事。