秦曉傳退休勢大執位

太子尋日同中資航運界老友傾開呢個傳聞，大家都覺得空穴來風未必無因，而且傅總由九八年開始入職做歷任集團常務董事、副總裁同總裁，喺招商局做咗十二年，加上又被公認做嘢有魄力，呢個位佢當之無愧啦。

老友話紅籌國企嘅總裁同董事長職務唔可以由一個人做晒，若今次傅總坐正，咁總裁個位又要搵第二個接替，即係話秦曉一退休，就會有兩個職位變動。