你有你等，內地班資本家已經「靜靜地起革命」，準備為「下一個牛市」做好準備，其中最快手嘅，莫過於進軍香港金融及證券市場。近期，各大證券行都好似「待嫁姑娘」一樣，扮靚靚，等待內地新郎哥「一吻定情」，從此邁向康莊青雲路。筆者聽到各大證券行都開始唔少「相睇活動」，為自己搵個好歸宿而作好準備。唔單止證券行，連某香港財經資訊公司都得到內地證券軟件及財經資訊商大智慧嘅垂青，有國家發改委做見證人，共度白頭，都咪話唔犀利。戀愛令人盲目，都唔好唔信。