憂尼日利亞治安差

今年下半年，夏佳理嘅外訪行程已排得密麻麻，十月會去德國同法國，十二月就去巴西，仲有投資銀行游說，想佢今年去非洲尼日利亞推介當地資源類公司來港上市。

講到尼日利亞，夏佳理嘅奧地利籍太太夏安麗就反應頗大，坦言尼日利亞嘅治安令佢有啲擔心。一向愛妻嘅夏佳理，唔知點樣說服太太畀佢去尼日利亞推介呢？

其實除咗治安，當地嘅衞生問題亦要注意。太子就去過非洲西部嘅安哥拉，又要打針又要食藥，都咪話唔怕怕。

除咗巴西外，夏佳理其實對尼日利亞市場有頗大嘅期望，因為尼日利亞以天然資源豐富見稱，尤以石油為甚，係石油輸出國組織嘅成員。