上周五大市調整，但上升股有513隻，可見市場氣氛唔錯，內地彩票股有異動，上周五率先由御泰中彩（00555）衝上0.68元高收，逆市大升6仙。第一視頻（00082）亦一度搶高至2.52元，平收2.44元。
第一視頻近日股價突破由四月中3.26元回落形成嘅下降軌，加上有大成交配合，可確認近四個月嘅調整完成，初步上升目標3.2元。
第一視頻係現時內地最大嘅手機購彩營運商，業務覆蓋近20個省，去年推出嘅「彩視界」亦已覆蓋所有彩票類別，客戶亦由去年底嘅500萬戶增至800萬戶。另外，集團同法國電訊合作推出嘅「鄰訊」手機互聯網社區，亦將同旗下手機彩票業務產生協同效應，可為集團帶來另一增長動力。
中信證券早前報告指，第一視頻手機購彩同遊戲業務增長強勁，給予「買入」評級，目標價4.1元，有68%上升空間，買得過。
第一視頻（00082） 目標價：3.2元 止蝕價：2.2元