環球商業活動一步一步向好，紙品價格已由每噸200美元低位回升到近期嘅每噸240美元，即係話紙品需求旺季又已經降臨，紙業股嘅營業額又有機會得到雙位數字增長。玖紙班管理大帝亦趁紙品需求回升，提高咗產品售價，令到企業邊際利潤又可以進一步增加！

另外，由於玖紙嘅主要原材料係美國進口廢紙，當人仔匯價走高時，玖紙營運成本又可以相對降低。人仔升值又相對地減低咗玖紙嘅外匯負債，令到佢嘅財政架構獲得改善，更加健康，股價同成績又點會唔好啊！就算玖紙嘅營運能力無乜改善，匯率因素亦都令到佢有近一成嘅盈利增長，筆者建議要睇實！